Addasiadau hir dymor resbiradol o ganlyniad i ymarfer corff

Gallai atebion gynnwys:

• Cynnydd ym maint a chryfder y galon gan arwain at y galon yn medru pwmpio mwy o waed fesul curiad.
• Cynnydd mewn cyfaint strôc wrth i’r galon gynyddu mewn maint a chryfder
• Cynnydd mewn allbwn cardiaidd ar unrhyw gyfradd curiad y gallon o ganlyniad i gynnydd mewn cyfaint strôc
• Cynnydd yn y cyfanswm o waed a all gael ei bwmpio allan o’r galon yn ystod ymarfer macsimal.
• Cynnydd yn y gallu i ddosbarthu gwaed i gyhyrau gweithredol
• Cyfradd curiad y galon is wrth orffwys yn sgil cyfaint strôc uwch o ganlyniad i gynnydd ym maint a chryfder y galon
• Cynnydd yng nghyfanswm cyfaint y gwaed sy’n golygu y gall gwaed gario mwy o ocsigen i’r cyhyrau gweithredol a mwy o garbon deuocsid yn ôl i’r ysgyfaint
• Cynnydd yn nifer y celloedd coch gan olygu bod gwaed yn gallu cario mwy o ocsigen i’r cyhyrau gweithredol a mwy o garbon deuocsiid yn ôl i’r ysgyfaint

Effaith ar berfformiad wrth wneud chwaraeon:

Mae effeithiau ar berfformiad yn gysylltiedig â chynnydd mewn ffitrwydd cardiofasgiwlar a thrwy hynny y gallu i ymarfer am gyfnodau hirach ac ar ddwysedd uwch am gyfnodau hirach. Hefyd, y gallu i adfer yn gyflymach ar ôl ymarfer ar wahanol raddau o ddwysedd.

Effeithiau ar iechyd:

Mae’n helpu i gadw pwysedd gwaed o fewn rhychwant iach.

Bydd cyfradd curiad calon gorffwysol yn is mewn unigolion sydd â lefelau uwch o ffitrwydd cardiofasgiwlar. Mae hyn o ganlyniad i gynnydd mewn cyfaint strôc gorffwysol yn sgil cynnydd ym maint a chryfder y galon, ar ôl ymarfer cardiofasgiwlar. Wrth i’r galon allu pwmpio mwy o waed fesul curiad, does dim rhaid iddi guro mor aml o fewn munud er mwyn cynnal allbwn cardiaidd o 5 L/mun. Golyga hyn fod cyfradd curiad calon orffwysol yn is.