System Gardiofasgwlar: Y System Fasgwlar

Mae rhydwelïynnau yn cynnwys haen o gyhyr esmwyth sy’n medru cyfangu ac ymlacio. Pan yn tynhau, bydd yn rhwystro llif y gwaed sy’n golygu fod llai o waed yn llifo mewn proses a elwir yn Fasogyfyngiad. Pan fo’r haen o gyhyr yn ymlacio mae’n caniatáu i fwy o waed lifo mewn proses a elwir yn Fasoymlediad. Yn ystod ymarfer, mae gwaed yn cael ei ail-ddosbarthu i gyhyrau gweithredol o organau dianghenraid gan fod angen mwy o ocsigen ar y cyhyrau. Er mwyn galluogi hyn, mae rhydwelïynnau sy’n arwain at organau dianghenraid fel yr afu (iau) a’r stumog yn fasogyfyngu tra bod rhydwelïynnau sy’n arwain at gyhyrau gweithredol yn fasoymledu.