System Resbiradol: Gweithrediad
1. Labelwch gyfeiriad y nwyon wrth iddyn nhw gyfnewid yn yr ysgyfaint.
2. Labelwch gyfeiriad y nwyon wrth iddyn nhw gyfnewid yn y cyhyrau sy'n gweithio.
3. Gan ddefnyddio bob un o’r termau allweddol a restrir isod, amlinellwch y broses o gyfnewid nwyol sy’n digwydd yn y rhwydwaith alfeoli-capilarïau. Teipiwch eich ateb yn y bocs, ac yna gwiriwch eich ateb yn erbyn yr ateb delfrydol.
Cyfnewid nwyol yw’r broses lle mae carbon deuocsid yn teithio i mewn i’r ysgyfaint er mwyn cael ei anadlu allan ac mae ocsigen yn teithio mewn i lif y gwaed er mwyn cael ei gludo i’r cyhyrau/celloedd gweithredol trwy broses a elwir yn ‘trylediad’. Mae trylediad yn ymwneud â symud sylweddau o ardal o grynodiad uwch i grynodiad is. Mae’r alfeoli yn cynnwys aer sy’n llawn o ocsigen (h.y. crynodiad uwch o ocsigen) tra bod gan y capilarïau grynodiad is o ocsigen. Felly, mae ocsigen yn tryledu o’r alfeoli mewn i’r gwaed yn y capilarïau. Serch hynny, mae’r capilarïau yn cynnwys crynodiad uwch o garbon deuocsid tra bod yr alfeoli yn cynnwys crynodiad is o garbon deuocsid. Felly, mae carbon deuocsid yn tryledu o’r gwaed yn y capilarïau tuag at yr alfeoli er mwyn cael ei anadlu allan i’r atmosffêr.